Soltústik Kıprdiń tehnıkalyq ýnıversıteti qazaqstandyqtarǵa oqý granttaryn bóldi
ASTANA. QazAqparat - Soltústik Kıprdiń Taıaý Shyǵys tehnıkalyq ýnıversıtetinde (METU NCC) qazaqstandyqtarǵa birqatar mamandyqtar boıynsha granttar bólindi, dep habarlaıdy QazAqparat «Halyqaralyq baǵdarlamalar ortalyǵy» AQ saıtyna silteme jasap.
Soltústik Kıpr Taıaý Shyǵys tehnıkalyq ýnıversıtetiniń kampýsin (Middle Eastern Technical University Northern Cyprus Campus METU) Túrkııa Úkimeti men Soltústik Kıpr Úkimeti Ankaradaǵy Taıaý Shyǵys tehnıkalyq ýnıversıtetiniń fılıaly retinde qurǵan. Atalmysh oqý orny 2010 jyly The Times gazetinde 200 dúnıejúzilik úzdik ýnıversıtetter qatarynda 183-shi oryn ıelendi.
Ýnıversıtet bakalavrıat baǵdarlamalary boıynsha granttar usynady.
Baǵdarlamalar: Ekonomıka, aǵylshyn tilin oqytý, bıznes ákimshilendirý, saıasattaný jáne halyqaralyq qatynastar, psıhologııa, nusqaýlyq jáne psıhologııalyq keńes berý, hımııalyq ınjenerııa, aeroǵaryshtyq ınjenerııa, munaı jáne tabıǵı gaz ınjenerııasy.
Stýdentke stıpendııa taǵaıyndalady (2 - 100% stıpendııa, 2 - 75% stıpendııa jáne 5 - 50% stıpendııa). Shákirtaqy tolyq oqý aqysyn jáne kampýsta ornalasqan jataqhanadaǵy tórt oryndy bólmede turýdy qamtamasyz etedi.
Aǵylshyn tilinde synaqtan ótpegen oqýshylarǵa bir jyl til kýrstarynda tegin oqýǵa múmkindik beriledi.
Jartylaı stıpendııalar oqý aqysynan 75% jáne 50% jeńildik usynady.
Úmitkerlerge qoıylǵan talaptar: 100% stıpendııa bolýy úshin - Ulttyq biryńǵaı testinen (UBT) tórt pán boıynsha (orys tili nemese qazaq tilin qospaǵanda) jalpy 100 baldan 95 ball, Ulttyq biryńǵaı testinen (UBT) 5 pánnen, sonyń ishinde 2 tańdamaly pán boıynsha 140 baldan 125 ball jınaý kerek.
75% stıpendııa bolýy úshin - UBT-dan tórt pán boıynsha (orys tili nemese qazaq tilin qospaǵanda) jalpy 100 baldan 90 ball, Ulttyq biryńǵaı testinen (UBT) 5 pánnen, sonyń ishinde 2 tańdamaly pán boıynsha 140 baldan 120 ball jınalýy kerek.
50% stıpendııa bolýy úshin UBT-dan tórt pán boıynsha (orys tili nemese qazaq tilin qospaǵanda) jalpy 100 baldan 84 ball, UBT-dan 5 pánnen, sonyń ishinde 2 tańdamaly pán boıynsha 140 baldan 100 ball jınaý kerek.
Ótinish berýdiń merzimi 29 shildede aıaqtalady.
Qujattar tek tolyqtaı jınalǵan jaǵdaıda Astana qalasy, Máńgilik el dańǵyly 8, «Altyn Orda» bıznes ortalyǵy, 5-qabat, 507-kabınet mekenjaıynda qabyldanady.
Suraqtar boıynsha tómendegi nómirler arqyly habarlasýǵa bolady - +7 (7172) 24-93-71,76-90-83.
