Soltústik Qazaqstannyń eki aýdanynda dala órtenip jatyr
PETROPAVL. QazAqparat – Soltústik Qazaqstan oblysynda eki aýdanda bir myń ga astam dala órtenip jatyr, dep habarlaıdy QazAqparat tilshisi.
SQO tótenshe jaǵdaılar departamenti baspasóz qyzmetiniń málimetinshe, Petropavlǵa qalyń tútin kórshi Reseıden jetken.
Qazirgi ýaqytta Qorǵan oblysynda órt sóndirýshiler 16 orman órtimen kúresip jatyr, olardyń úsheýi SQO-men shekarada ornalasqan.
Budan basqa óńirdiń eki aýdanynda dala órtenip jatyr.
Ýálıhanov aýdanynyń Aqqudyq aýylynyń mańynda 400 ga aýmaqta órt shyqty. Taıynsha aýdanynyń Taldykól aýylynyń mańynda 630 ga dala órtenip jatyr.
Tilsiz jaýmen kúreske jergilikti atqarýshy organdar, órt sóndirý bólimderiniń jeke quramy, erikti órt sóndirý qurylymdary men jergilikti halyq jumyldyrylǵan.
13 tehnıka men jeke quramnyń 30 mamany jumys istep jatyr.
Qaza tapqandar men zardap shekkender joq.
Jaǵdaıdy SQO TJD men oblystyq ákimdik baqylaýda ustap otyr.
