Soltústik Qazaqstannyń 94 eldi mekeninde sý tasqyny qaýpi bar
PETROPAVL. QazAqparat - Soltústik Qazaqstan oblysynyń ákimdiginde evakýatsııalyq komıssııanyń otyrysy ótti, dep habarlaıdy «QazAqparat» HAA tilshisi SQO TJD baspasóz qyzmetine silteme jasap.
Jınalystyń qatysýshylary óńirlik evakýatsııalyq komıssııanyń tótenshe jaǵdaı kezindegi halyqtyń qaýipsizdigin qamtamasyz etýdegi daıyndyǵyn talqylady. Boljam boıynsha, Soltústik Qazaqstan oblysyndaǵy sý tasqyny ortasha jyldyq kórsetkishten joǵary bolmaq.
SQO TJD bastyǵynyń orynbasary Erik Sarybaevtyń sózine súıensek, oblys aýdandaryndaǵy evakýatsııalyq jospar qosymsha túzetýdi qajet etedi. «Byltyrǵy saraptamalardy qorytyndylaı otyryp, departament 94 eldi meken men sý tasqynynyń qaýpi bar Petropavl qalasyn esepke qoıdy. Olardyń kóbi Esil, Taıynsha jáne Aqqaıyń aýdandaryna tıesili», - dep atap ótti Erik Sarybaev.
«Halyqpen jınalys ótkizip, sý tasqyny kezindegi is-áreketter erejesin úıretý qajet. Adamdardy evakýatsııalaý boıynsha jattyǵýlar ótkizý kerek. Bizdiń mindetimiz - sý tasqynynyń zardabyn azaıtyp, eldi mekenderdi qorǵaý, adam shyǵynyn boldyrmaý, turǵyndardyń qalypty ómir súrýine jaǵdaı jasaý», - dep túıindedi oblys ákiminiń orynbasary Anarhan Dúısenova.
