Soltústik Qazaqstanǵa qosymsha agrometeobeketter kerek
PETROPAVL. QazAqparat - Soltústik Qazaqstan oblysynda qosymsha agrometeobeketter ornatý usynyldy, dep habarlaıdy QazAqparat tilshisi.
Qazir óńirde agrometeorologııalyq monıtorıng júrgizetin 21 pýnkt jumys istep tur. Aýyl sharýashylyǵynyń mamandary oblystaǵy agrobeketterdiń sany jetkiliksiz ekenin aıtady. Aýdandardaǵy meteostantsııalarda bir-birden ǵana agrobeketter bar.
«Qazgıdromet» RMK bas dırektory Marat Qynatov qazaqstandyq ǵalymdardyń usynysyn eksheı kele, oblystyń egin egiletin aýmaǵyn tolyq qamtý úshin taǵy da 29 beket qajet ekenin aıtady.
Bas sınoptık radıolokatsııalyq monıtorıng júıesinde de úlken perspektıvalar bar ekenin tilge tıek etti.
«Stantsııa búgin qansha jaýyn-shashyn, ylǵal túskenin, temperatýrany, aýadaǵy ylǵaldy, jeldi kórsetedi. Bizdiń stantsııamyz turǵan jerden anyqtama beremiz. Biraq radıýstyń syrtynda ne bolyp jatqanyn naqty aıta almaımyz. Radar 250 kılometrge deıin kórsetedi. Jýyrda Energetıka mınıstrligimen, Investıtsııa jáne damý mınıstrligimen Qazaqstan aýmaǵyn radıolokatsııalyq jelimen tolyq qamtý jónindegi kelisimge qol qoıamyz», - deıdi M. Qynatov.
