Soltústik Qazaqstanǵa qansha adam qonys aýdardy
«Soltústik óńirge qonys aýdarý «Eńbek» baǵdarlamasy aıasynda júzege asyrylyp jatyr. ıAǵnı, eńbek kúshi artyq óńirlerde turatyn árbir azamat kóshý múmkindigine ıe. Ol úshin otbasynyń árbir múshesine 35 AEK kóleminde ótemaqy tólenedi, bul shamamen 97 myń teńge. Otbasynda 5 adam bolsa, kóshkeni úshin 500 myń teńge ótemaqy alady degen sóz. Baspana jaldaý úshin otbasy aýyldyq jerdi tańdasa – 10-20 AEK, qalany tańdasa – 20-30 AEK aralyǵynda taǵy tólenedi. ıAǵnı, memleket aqshany bóledi, adam qaıda turatynyn ózi tańdaıdy», - dedi ákim Ortalyq kommýnıkatsııalar qyzmetinde ótken brıfıngte.
2019 jyldan bastap, qonys aýdarýshylarǵa úı salyp berý boıynsha oblystyq baǵdarlama iske qosylǵan.
«Aýyl sharýashylyǵy taýaryn óndirýshilerdi turaqty eńbek kúshimen qamtamasyz etý úshin tıisti eńbekaqy men áleýmettik jaǵdaı jasaý qajet. Ol úshin taýar óndirýshiler men memleket qajetti mamandarǵa arnap úı salady. Dál qazir bizge traktorshylar, mehanızatorlar, muǵalimder, dárigerler, mal dárigerleri qajet. Bul úıde otbasy 5 jyl turǵannan keıin memlekettiń qurylysqa jumsaǵan qarajatyn ótese jetkilikti. Barlyq úıler tehnıkalyq tekserýden ótedi, kepildik berilgen 2-3 jyl boıy aqaýlaryn tegin jóndeıdi. Ótken jyly 425 úıdi paıdalanýǵa berdik, bıyl 700 úı salynady», - dep túsindirdi Q. Aqsaqalov.
Ákimniń aıtýynsha, ótken jyly SQO-ǵa eńbek kúshi kóp óńirlerden 2200 adam, bıyl – 1800 adam kóship kelgen.
«Árıne olardyń arasynda densaýlyq jaǵdaıymen, otbasylyq sebeptermen týǵan jerine keri oralǵandar bar. Onsyz bolmaıdy. Biraq keri oralǵandar sany aıtarlyqtaı kóp emes. Sondyqtan, bul baǵdarlama bizge qajet jáne ári qaraı da júzege asyryla beredi», - dedi Qumar Aqsaqalov.
