Soltústik Qazaqstanǵa bıyl 690 otbasy qonys aýdarady
Bul jumystar «Nátıjeli jumyspen qamtýdy jáne jappaı kásipkerlikti damytý» baǵdarlamasy sheńberinde júzege asyp otyr. Tek ústimizdegi jyldyń ózinde Soltústik Qazaqstanǵa Túrkistan, Jambyl, Qyzylorda, Almaty oblystarynan 690 otbasy qonys aýdarady dep josparlanyp otyr. Bul jyldaǵy kórsetkishten 4 ese kóp. Degenmen, óńirge áli de myńǵa jýyq maman jetispeıdi. Buryndary Aqqaıyń aýdanynyń turǵyndary dermatolog dárigerge qaralý úshin senbini tosatyn edi. Óıtkeni maman aptasyna bir ret qaladan keletin. Quldashevtar otbasy qonys aýdarǵaly bul másele túbegeıli sheshildi. Qazir naýqastardy Gúlchehra ózi qaraıdy.
«Birinshiden, aılyq az bolǵan. Ekinshiden, men jumysqa tura almadym. Qazir Shymkentte jumysqa turý óte qıyn. Biz jumys isteımiz dep senip bardyq qoı. Balalar kishkentaı, ázirge aıaqqa turýymyz kerek»,-deıdi dermatovenerolog dáriger Gúlchehra Quldasheva.
Búginde Quldashevtar áýletiniń ońtústikten júgin teńdep artyp, soltústikke kóship kelgenine jarty jyldan asty. Eki balasy mektepte, al kishkentaıy balabaqshamen qamtyldy. Otaǵasy da aýrýhanaǵa jumysqa ornalasty. Aq halatty abzal jandarǵa kótermeaqy men úı berildi.
«Kishkene qorqynysh boldy bir aı. Sodan bir aıdan keıin osy aýa raıyna, klımatqa úırenip, ary qaraı jaqsy istep kettim. Endi ákimdiktikten taǵy bir jer bereıin dep jatyr», - deıdi anestezıolog dáriger Ergesh Quldashev.
Aıta ketken jón, búgingi kúnge deıin Aqqaıyń aýdanyna kóship-qoný baǵdarlamasy boıynsha 32 otbasy qonys aýdardy. Jyl sońyna deıin taǵy úsheýi keledi dep kútilýde.
Ońtústikten soltústikke qaraı aǵaıynnyń kóshi 2016 jyly bastaldy. Atalǵan jumystar aldaǵy ýaqytta da jalǵasyn tappaq. ıAǵnı 2021 jylǵa deıin óńirde qonys aýdarýshylarǵa dep úsh myń turǵyn úı salynady.
