Soltústik Qazaqstandaǵy jantúrshigerlik jol apatynyń vıdeosy jarııalandy
PETROPAVL. QazAqparat - SQO-da Jeńil kólik pen KamAZ soqtyǵysqan jantúrshigerlik jol apaty oryn aldy, dep habarlaıdy «QazAqparat» HAA tilshisi.
Jol-kólik apaty ornynyń alǵashqy kadrlary men kezdeısoq ótip bara jatqan avtokóliktiń beınetirkeýishine jazylyp qalǵan vıdeo áleýmettik jelilerde paıda boldy.
SQO ІІD baspasóz qyzmeti apattan 23 jastaǵy jeńil kólik júrgizýshisiniń mert bolǵanyn habarlady.
«Jedel-tergeý toby anyqtaǵandaı, 16 saǵat 30 mınýtta «Chelıabi-Novosibir» avtojolynyń 543 shaqyrymynda «VAZ-21140 markaly avtokólik júrgizýshisi kólikti basqara almaı, qarsy jolaqqa shyǵyp ketken jáne «KamAZ-5320» júk kóligimen soqtyǵysqan», - dep málimdedi baspasóz qyzmeti.
Jol-kólik oqıǵasy faktisi boıynsha QR QK 345-baby, 3-bólimi - «Kólik quraldaryn basqaratyn adamdardyń jol erejesi nemese kólik quraldaryn paıdalaný qaǵıdalaryn buzýy» boıynsha sotqa deıingi tergeý jumystary bastaldy.
