Soltústik Qazaqstandaǵy zaýytta uńǵyma jóndeıtin arnaıy qurylǵylar shyǵarylady
PETROPAVL. QazAqparat - Soltústik Qazaqstan oblysynyń ákimi Qumar Aqsaqalov «Munaımash» zaýytyna bardy, dep habarlaıdy «QazAqparat» HAA tilshisi oblys ákimdiginiń baspasóz qyzmetine silteme jasap.
«Munaımash» AQ bas dırektory Spartak Pýshkarev ákimge zaýytty jańǵyrtý jumystarynyń barysy jaıly áńgimeledi. Zaýyt eski stanoktardy ónimdiligi joǵary jabdyqtarǵa aýystyryp, jańa tehnologııalarǵa ótý ústinde. Bıyl 60 mıllıon teńgege qazirgi zamanǵy frezer stanogy satyp alyndy. Ol munaı-gaz keshenine arnalǵan ónimder shyǵarýdy keńeıtý múmkindigin beredi. «Jańa stanok bes koordınatta jumys isteı alady. Aldaǵy ýaqytta Qazaqstanda alǵash ret uńǵymalardy kúrdeli jáne aǵymdaǵy jóndeýden shyǵarýǵa qoldanylatyn pakerlerdi shyǵaramyz», - dedi Spartak Pýshkarev.
Keler jyly zaýyt basshylyǵy jańa jabdyqtar alýǵa 100 mıllıon teńge bólgeli otyr. Buǵan deıin kásiporynda ónimdiligi joǵary 12 stanok satyp alynǵan bolatyn. Bıylǵy ınvestıtsııalardyń jalpy quny 200 mıllıon teńgege jetti.
