Soltústik Qazaqstanda jylytý maýsymy bastaldy

PETROPAVL. QazAqparat - Soltústik Qazaqstan oblysynda bıyl jylytý maýsymy jyldaǵydan erte bastaldy, dep habarlaıdy QazAqparat tilshisi.

SQO Energetıka jáne turǵyn úı-kommýnaldyq sharýashylyq basqarmasynyń jetekshisi Ádilbek Áýbákirovtiń málimetinshe, 18 qyrkúıekten bastap ákimdiktiń qaýlysyna sáıkes oblystaǵy áleýmettik nysandarǵa jylý berile bastady.

«19 qyrkúıekten bastap jylytý júıesine turǵyn úıler qosyla bastaıdy. 10 kúnge bekitilgen baǵdarlama bar jáne tutynýshylardyń ótinishine qaraı jylý beriledi», - dedi Ádilbek Áýbákirov.

Qolaısyz aýa-raıyna baılanysty sońǵy úsh jylda oblysta jylytý maýsymy 23 qyrkúıek bastaldy. Bıyl sınoptıkterdiń boljamyna saı bul jumys bir apta buryn bastalýy tıis edi. Alaıda, kúnniń jylynýyna baılanysty birer kúnge keıinge shegerildi.