Soltústik Qazaqstanda jyl basynan 122 adam joǵalǵan
PETROPAVL. QazAqparat – Soltústik Qazaqstan oblysynda úıinen belgisiz jaqqa shyǵyp ketken 81 jastaǵy áıel aman-esen tabyldy, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, 19 mamyr kúni Prıbrejnoe aýylynyń turǵyny Qyzyljar aýdanynyń polıtsııa bólimine habarlasyp, umytshaqtyq aýrýyna shaldyqqan 1939 jyly týǵan anasynyń joǵalǵanyn aıtqan. Aýdandyq polıtsııa bólimi men oblystyq krımınaldyq polıtsııa basqarmasynyń qyzmetkerleri dereý izdestirý jumystaryn bastaǵan.
Іzdestirý toptary Petropavl qalasynyń mańyndaǵy eldi mekenderdi, orman alqaptaryn, saıajaı qoǵamdastyqtaryn tekserdi. Zeınetkerdi izdeýge volonterler de qosyldy. Olar ájeı týraly málimetti tanymal áleýmettik jelilerde jarııalap, kómek surady. Nátıjesinde 20 mamyr kúni zeınetker Pestroe kóli mańyndaǵy jeke sektordan tabyldy. Petropavl qalasynyń eki turǵyny Instagram jelisinde jarııalanǵan habarlandyrý boıynsha ájeıdi tanyp, birden polıtsııaǵa habar bergen.
«Áıeldiń sońǵy táýlikte ne istep, qaıda bolǵany esinde joq. Biraq, jaǵdaıy jaqsy. Odan jaýap alǵan soń jaqyndaryna tabys etemiz. Tabylǵany jóninde týystaryna habarladyq», - deıdi SQO PD Krımınaldyq polıtsııa basqarmasynyń bólim bastyǵy Seıilhan Jumaǵulov.
Jyl basynan SQO-da jaqyndarynyń joǵalǵany jóninde turǵyndardan 122 aryz túsken. Qazirgi ýaqytta olardyń 120-sy tabyldy.
