Soltústik Qazaqstanda joldardy jóndeýge rekordtyq qarajat bólindi
PETROPAVL. QazAqparat - Bıyl Soltústik Qazaqstan oblysynda jergilikti jáne respýblıkalyq mańyzy bar 705 shaqyrym jol jóndelmek. Osy maqsatqa barlyǵy 37 mlrd teńge bólindi. Bul, óńir úshin rekordtyq qarajat, dep habarlaıdy QazAqparat tilshisi.
Soltústik Qazaqstan oblysy joldarynyń uzyndyǵy 9 myń shaqyrymdy qurasa, onyń 1,5 myń shaqyrymy respýblıkalyq mańyzy bar trassalar. Jergilikti avtomobıl joldarynyń 39 paıyzynyń jaǵdaıy kóńil kónshitpeıdi.
SQO ákimdigi baspasóz qyzmetiniń habarlaýynsha, avtomobıl joldaryn jóndeýge arnalǵan qarjy jyl sanap artyp keledi. Sońǵy úsh jylda óńirde 1900 shaqyrym jol jóndeldi. Byltyr bul jumystarǵa 33 mlrd teńge (675 shaqyrym) baǵyttaldy.
«Bıyl joldardy jóndeýge 37 mlrd teńge bólemiz. Salystyrý úshin aıtsam, 2017 jyly 21 mlrd teńge baǵyttaldy. Úlken aıyrmashylyq. Buryn joldardy jóndeýge mundaı qarjy bólinbeıtin», - deıdi oblys ákimi Qumar Aqsaqalov.
2019 jyly jergilikti mańyzy bar avtojoldardy jóndep, qalypta ustaýǵa 18 mlrd teńge josparlanǵan. Onyń 14 mlrd respýblıkalyq qazynadan bólinbek. Jalpy, sońǵy úsh jylda jóndelgen joldardyń sharapatyn qazir 128 eldimekenniń 62 myń turǵyny kórip otyr.
