Soltústik Qazaqstanda joldar jabyldy
PETROPAVL.QazAqparat – Soltústik Qazaqstan oblysynda aýa raıyna baılanysty birqatar joldardaǵy kólik qozǵalysy toqtatyldy.
Bul týraly Tótenshe jaǵdaılar departamentiniń baspasóz qyzmeti málimdedi, dep habarlaıdy QazAqparat.
Saǵat 16:00-den bastap jaýyn-shashyn túsip, kóriný nasharlaǵandyqtan respýblıkalyq mańyzy bar «Tımırıazevo – Sarykól» tasjolynda barlyq kólik túriniń qozǵalysyna tyıym salyndy.
18:00-den boran bolyp, kóriný nasharlaǵandyqtan «Ekaterınbýrg-Almaty» (Chıstopole aýylynan Qostanaı oblysynyń shekarasyna deıin), «Kókshetaý-Rýzaevka» (Saýmalkól aýyly – Rýzaevko aýyly), «Jezqazǵan- Petropavl» (Novoıshım aýyly – Aqmola oblysynyń shekarasy) tasjoldary jabyldy.
Tańerteń «Ekaterınbýrg-Almaty» tasjolynyń Chıstopole aýdanynyń Ǵ.Músirepov atyndaǵy aýylynan Aqmola oblysynyń shekarasyna deıingi bóligi jabylǵan bolatyn.
