Soltústik Qazaqstanda joǵalyp ketken balanyń múrdesi tabyldy
PETROPAVL. QazAqparat - Tórt kún buryn joǵalyp ketken er balanyń denesi Ulykól ózeniniń jaǵasynda, sýdan tabyldy, dep habarlady «QazAqparat» HAA tilshisi QR ІІM TJK resmı ókili Rýslan Imanqulovqa silteme jasap.
6 jasar Matveı Býrovıkti 5 shildeden bastap izdep jatyr. Kýálerdiń aıtýynsha, bala 16.00-de týystarynyń úıinen belgisiz baǵytqa shyǵyp ketip, oralmaǵan. Starobelka aýylyna bala Reseıden anasymen birge týystarynyń úıine qonaqqa kelgen.
Osy kúni TJD jedel shtab quryp, balany izdeýge kúshter men quraldar tartyldy.
8 shildede saǵat 13.10 mınýtta jergilikti turǵyndar Ulykól jaǵasyndaǵy sýdan belgisiz sebeptermen qaza tapqan balanyń múrdesin tapty.
Іzdeý jumystaryna 18 birlik tehnıka, 160-tan astam TJD, AІІB, jergilikti atqarýshy organdar qyzmetkerleri, aýyl turǵyndary qatysqan.
