Soltústik Qazaqstanda jer úı órtenip, 4 adam qaıtys boldy
NUR-SULTAN. QazAqparat - Soltústik Qazaqstanda otty abaısyz paıdalaný saldarynan órt shyqty, dep habarlaıdy QazAqparat QR ІІM TJK baspasóz qyzmetine silteme jasap.
«2020 jyldyń 29 tamyzynda saǵat 04:01-de Soltústik Qazaqstan oblysy TJD-ǵa Esil aýdany Ilınka aýylynda turǵyn úıdiń janyp jatqany týraly habar túsken. Saǵat 04:03-te atalǵan jerge órt sóndirýshiler jiberildi.
Oqıǵa ornyna saǵat 05:04-te (42 shaqyrym) jetken órt sóndirýshiler turǵyn úıdiń, aýla shatyrynyń, monshanyń jáne sharýashylyq qora-jaıdyń órtke oranǵanyn kórgen. Olar jetkenge deıin shatyr qulap, úı tolyqtaı órt qursaýynda qalyp qoıǵan.
Kýágerlerdiń aıtýynsha, úıde adamdar bolǵan.
Órt sóndirý kezinde 1969 jáne 1992 jylǵy er adam men 1969 jylǵy áıeldiń, 2016 jylǵy balanyń denesi tabyldy», - delingen QR ІІM TJK baspasóz qyzmetiniń habarlamasynda.
Órttiń shyǵý sebebi anyqtalyp jatyr. Órt 05:47-de aýyzdyqtalyp, 07:18-de sóndirildi. Jalyn jalpy 188 sharshy metrdi sharpyǵan.
