Soltústik Qazaqstanda jazasyn óteýshiler 300 myń maska tikti
SQO qylmystyq atqarý júıesi departamenti baspasóz qyzmetiniń málimetinshe, elde karantın bastalysymen óńirdegi túzetý mekemelerinde jeke qorǵanysh zattaryn tigý jolǵa qoıyldy. Qazir maska jáne qorǵanysh kıimderdi tigýmen ES-164/3 mekemesinde jazasyn ótep jatqan 20 er adam jáne ES-164/6 áıelder kolonııasynan 110 jazasyn óteýshi aınalysady.
«Elde tótenshe jaǵdaı jarııalanǵannan keıin maskaǵa suranys artty. Soltústikqazaqstandyq jazasyn óteýshiler tikken qorǵanysh buıymdaryn kúsh qurylymdary qoldanyp júr. Budan basqa 700 qorǵanysh kostıýmin ázirledik», - deıdi SQO boıynsha QAJD bastyǵy Rýstan Ahmetjanov.
Karantın bastalǵaly jazasyn óteýshiler 300 myńdaı, sonyń jartysy bir rettik qoldanylatyn maska tikken.
«Qazirgideı qıyn jaǵdaıda adamdar bir-birine kómektesýi qajet. Biz bir rettik jáne kóp ret paıdalanýǵa bolatyn maska tigemiz. Paıdaǵa jarap, qaýipti ınfektsııamen kúreske az da bolsa úlesimizdi qosyp jatyrmyz», - deıdi jazasyn óteýshilerdiń biri.