Soltústik Qazaqstanda jaıaý júrginshiler 31 jol apatyna sebepshi bolǵan
PETROPAVL. QazAqparat – Soltústik Qazaqstan oblysynda ótken jyly jaıaý júrginshilerdiń kinásinen 31 jol-kólik oqıǵasy (JKO) oryn alǵan, dep habarlaıdy QazAqparat tilshisi.
Polıtsııa departamenti baspasóz qyzmetiniń málimetinshe, osy apat úsh adamnyń ómirin qıǵan, 34 soltústikqazaqstandyq túrli jaraqat alǵan. Jeti jol-kólik oqıǵasynda jaıaý júrginshiler mas bolǵan.
Qańtarda polıtseıler jaıaý júrginshiler tarapynan zań buzǵan 460 jaǵdaıdy tirkegen. 2019 jyldyń osy aıymen salystyrǵanda, zań buzýshylar sany 265-ke azaıǵan. Sondaı-aq polıtseıler jaıaý júrginshilerge qoıylatyn tártip sondaı joǵary dep aıtýǵa kelmeıdi deıdi.
«Barlyq jaǵdaıda adamdar joldy belgilenbegen jerden qıyp ótken. Kóbine jaıaý júrginshiler jaqyn kele jatqan kóliktiń joqtyǵyna kóz jetkizý úshin aınalaǵa qaraýdy umytyp ketedi, jolda qulaqqappen kele jatyp, ótip bara jatqan kóliktiń dybysyn da estimeıdi. Kólikterdiń, tipti tómen jyldamdyqta bolsa da, ásirese qysta birden toqtaı almaıtynyn túsine bermeıdi», - dedi asa mańyzdy tapsyrmalar jónindegi aǵa ınspektor Azamat Jamuqov.
Jol erejesin buzǵan jaıaý júrginshilerge eki AEK mólsherinde, ıaǵnı bes myń teńgeden sál asatyn aıyppul salynady.
