Soltústik Qazaqstanda jańbyrdyń saldarynan joldar jabyldy
PETROPAV. QazAqparat - Soltústik Qazaqstan oblysyndaǵy barlyq avtojoldarda qoǵamdyq jáne júk kólikteriniń qozǵalysy shekteldi, dep habarlaıdy QazAqparat tilshisi.
Oblystyq TJD baspasóz qyzmetiniń habarlaýynsha, qolaısyz aýa raıyna baılanysty osyndaı sheshim qabyldanǵan. Óńirde aýa temperatýrasy nólden tómen bolsa da, jańbyr jaýyp tur, jel kúsheıip barady. Sonyń saldarynan joldarǵa muz qatyp, kóktaıǵaq bolǵan.
Eske sala ketsek, bir kún buryn «112» qyzmeti aýa raıyna baılanysty eskertý jarııalaǵan bolatyn.
