Soltústik Qazaqstanda jańa óndiristik tseh órtke orandy
PETROPAVL. QazAqparat - SQO Qyzyljar aýdanynda jumyrtqa salatyn qorap shyǵaratyn tseh aýmaǵynda órt shyqty, dep habarlady SQO TJD baspasóz qyzmetine silteme jasap "QazAqparat" HAA tilshisi.
Órt sóndirýshiler kelgen kezde jalyn 400 sharshy metrdi sharpyp úlgergen.
Órtti aýyzdyqtaýǵa 7 birlik tehnıka, jeke quramnan 26 adam jumyldyryldy. 2 jaýyngerlik ýchaske quryldy. Órtti sóndirýge qatty jel kedergi keltirdi.
Tilsiz jaý tsehtyń shatyryn, qosalqy jabdyǵyn zaqymdap, daıyn ónim bóligin joıǵan. Órt sóndirýshiler negizgi jabdyqpen qalyptama-qondyrǵymen óndiristik tsehty saqtap qaldy. Jalynnyń kórshi ǵımaratqa taraýynyń aldyn aldy.
Qurbandar men zardap shekkender joq. Shyǵý sebebi men shyǵyndar anyqtalýda.
Prıberejnoe aýylynda tseh 2016 jyly 16 jeltoqsanda ashylǵan. Jalpy alańy 2 myń sharshy metr. Jobalyq qýaty - jylyna 800 myń dana. Joba quny 80 mln teńge, onyń 20 mln teńgesi - «BJK» baǵdarlamasy boıynsha alynǵan.
