Soltústik Qazaqstanda zamanaýı sút fermasy ashyldy

PETROPAVL. QazAqparat – Búgin Soltústik Qazaqstan oblysynda jańa sút fermasy iske qosyldy. Sharýashylyqtyń jumysymen óńir basshysy Qumar Aqsaqalov tanysty, dep habarlaıdy QazAqparat.

SQO ákimdiginen málim etkendeı, «Daıyndyk agro» seriktestigi sońǵy úlgidegi tehnıkalarmen jabdyqtalǵan. Aýyldyń 28 turǵynyn turaqty jumyspen qamtyp otyr.

Byltyr óńirde 4 zamanaýı sút kesheni jumysyn bastasa, bıyl 3-eýi iske qosylady. 2020 jyly taǵy 10 keshenniń qurylysy bastalmaq. Jańa fermalar sút óndirisin jylyna 20 myń tonnaǵa kóbeıtýge múmkindik beredi.

«Mal sharýashylyǵy óte tabysty bıznes, ásirese sút óndirisi. Osy kásippen aınalysyp otyrǵandar paıdasyn kórip otyr. Qazir atalmysh fermalardyń sanyn kóbeıtý boıynsha sharýalarmen tıisti jumystardy júrgizip jatyrmyz», — dedi Qumar Aqsaqalov.