Soltústik Qazaqstanda UBT tórt jerde ótedi

PETROPAVL. QazAqparat - Soltústik Qazaqstan oblysynda UBT qańtardyń 19-y kúni ótedi. Oqýshylar synaqtan Petropavlda jáne óńirdiń úsh aýdanynda óte alady, dep habarlaıdy QazAqparat tilshisi.

Elimizde Ulttyq biryńǵaı testileýdiń formaty ózgerissiz qaldy. Tek synaq budan bylaı jylyna tórt ret ótkiziledi. Alǵashqysy SQO-da qańtardyń 19-yna belgilengen. Testileý quny - 2 242 teńge. UBT ótýge ótinish bergen oqýshylardyń basym bóligi bul joly daıyndyq retinde synnan ótpek. 20-qańtar apellıatsııalyq komıssııa jumys istese, 21-inde talapkerler qoldaryna sertıfıkattaryn alady. Biraq ol qujat grantpen oqýǵa túsý quqyǵyn bermeıdi.

Aqyly bólimge túsý úshin oqýshy tórt ret ótkiziletin UBT-nyń bireýine ǵana qatysyp, shekti balǵa qol jetkizse jetip jatyr. Al memleket grantyna nıet bildirgender UBT-ny maýsym aıynda tapsyrady. Qańtardyń 19-y kúni ótkeli otyrǵan alǵashqy testileý oblys boıynsha tórt jerde ótkizilmekshi. Talapkerler yńǵaılaryna qaraı Manash Qozybaev atyndaǵy Soltústik Qazaqstan memlekettik ýnıversıtetinde nemese Aqjar, Aıyrtaý jáne Jambyl aýdandarynda synaqtan óte alady.

Eske sala keteıik, qańtar aıynyń 15-20 aralyǵynda elimizde aqyly negizdegi Ulttyq biryńǵaı testileý bastalatyndyǵy týraly buǵan deıin habarlaǵan bolatynbyz.