Soltústik Qazaqstanda týrıstik maýsym bastaldy
PETROPAVL. QazAqparat - Soltústik Qazaqstan oblysynyń Aıyrtaý aýdanynda týrızm maýsymy bastaldy, dep habarlaıdy QazAqparat tilshisi.
Óńirlik kommýnıkatsııalar qyzmetinde aýdanǵa jyl saıyn 30 myńnan astam qazaqstandyq jáne reseılik týrıster keletini aıtyldy. Shalqar jáne Imantaý kólderiniń aýmaǵynda 37 demalys orny men 3 balalar saýyqtyrý lageri qonaqtarǵa ázir.
Kásipkerlik bóliminiń bas mamany Sáýle Májekeevanyń aıtýynsha, bıyl jalpy somasy 14 mıllıard teńgeden asyp jyǵylatyn 10 jobany júzege asyrý josparda bar. Sonyń ishinde 2 mıllıard teńge aýdannyń joldaryn jóndeýge jumsalmaq.
«Aıyrtaý aýdanyna jyl saıyn kóptegen týrıster kelip jatady. Sulý tabıǵaty men tarıhı-mádenı eskertkishteri aýdanda týrızm salasyn damytýdyń joǵary áleýeti bar ekenin kórsetedi», - deıdi aýdan ákimi Beıbit Ismanov.
Jýyrda ǵana SQO ákimi Qumar Aqsaqalov Imantaý-Shalqar kýrorttyq aımaǵynyń týrıstik nysandaryna baryp, ondaǵy maýsymǵa daıyndyq jumystarymen tanysqan bolatyn.
