Soltústik Qazaqstanda turǵyn úıdegi órtten er adam qaza tapty
PETROPAVLOVSK. QazAqparat - Soltústik Qazaqstan oblysynda turǵyn úıdegi órtten qaıtys bolǵan taǵy bir oqıǵa tirkeldi, dep habarlaıdy QazAqparat tilshisi.
Tótenshe jaǵdaılar departamenti baspasóz qyzmetiniń málimetinshe, turǵyn úıdegi órt 6 jeltoqsan kúni Ǵ.Músirepov aýdany Novoselovka aýylynda bolǵan.
Órt sóndirýshiler kelgenshe aýyl turǵyndary 65 jastaǵy er adamdy evakýatsııalady. Oqıǵa ornynda qutqarýshylar barlaý jumystaryn júrgizip, úıden eki gaz ballonyn, sonymen qatar 40 jastaǵy er adamnyń denesin alyp shyqty.Ǵ.Músirepov aýdandyq Tótenshe jaǵdaılar bóliminiń bastyǵy Sanat Muqashev oqıǵanyń mán-jaıy anyqtalyp jatqanyn aıtty.
Osydan birneshe kún buryn Esil aýdanynda egde jastaǵy áıel óz úıinde órt shyǵyp, qaıtys boldy.
Jyl basynan beri oblysta 623 órt oqıǵasy tirkelse, onyń 73 paıyzy turǵyn úı sektorynda bolǵan. Órt kezinde 30-dan astam adam qaza tapqan.
