Soltústik Qazaqstanda teplovoz júk kóligimen soqtyǵysyp qaldy
ASTANA. QazAqparat - Petropavl stansasynda jol apaty boldy, dep habarlaıdy «QazAqparat» HAA QTJ ulttyq kompanııasynyń baspasóz qyzmetine silteme jasap.
«26 qarasha kúni 00:57-de Petropavl stansasynyń «SQO Leskom» JShS kirme jolynyń tehnologııalyq ótkelinde 10 km/saǵ jyldamdyqpen kele jatqan ChME-3 teplovozy tirkemeli «MAZ» avtomashınasymen soqtyǵysyp qaldy», - delingen habarlamada.
Soqtyǵysý saldarynan teplovoz relsten shyǵyp ketken, al «MAZ» aýdarylyp túsken.
Qurban bolǵandar men zardap shekkender joq.
Apatqa «MAZ» júrgizýshisiniń temirjol ótkelin kesip ótý erejelerin buzýy sebep bolǵan.
