Soltústik Qazaqstanda taza sý jetpegen 233 aýyl bar
SQO energetıka jáne turǵyn úı-kommýnaldyq sharýashylyǵy basqarmasynyń basshysy Ádilbek Áýbákirovtiń aıtýynsha, birinshi jarty jyldyqtyń qorytyndysy boıynsha 248 myńnan astam turǵyny bar oblystyń 402 eldi mekeni ortalyqtandyrylǵan sýmen qamtý júıesine qosylǵan. Olardyń 205-inde sý taratý jelisi bolsa, qalǵandarynda sý berý pýnktteri jumys isteıdi. Al sýmen qamtylmaǵan aýyldardyń sany – 233.
«Byltyr aýyldardyń sýmen qamtý júıesin jaqsartýǵa 6,5 mlrd teńge jumsaldy. Bul qarajatqa 76 eldi mekende jumystar júrgizildi. Bıyl eki ese artyq aqsha -11,4 mlrd teńge jumsalmaq. Jobalardyń basym bóligi respýblıkalyq qazynadan qarjylandyryldy. 11 aýdanda aǵymdaǵy jóndeý jumystaryn júrgizýge oblystyq bıýdjetten 637 mln teńge bólindi», - deıdi Ádilbek Áýbákirov.
Nátıjesinde bıyl 48 myń turǵyny bar 49 eldi mekenniń sý berý júıesi jaqsarmaq. 11 aýylǵa sý kelse, 38-inde jańǵyrtý jumystary júrgiziledi. Budan basqa 174 km sý taratý jelisi jóndelip jáne jańadan salynady. Bul 3 myń baspanaǵa úıge sý kirgizýge múmkindik bermek.
«Kelesi jylǵa da jumystardy josparlap jatyrmyz. 29 eldi meken boıynsha 22 joba ázirlenip jatyr. Qyzyljar aýdanynyń Beskól, ıAkor, Chapaev, Peterfeld, Shal aýyq aýdanynyń Sergeevka, Stýpınka, Semıpolka, M.Jumabaev aýdanynyń Karagandınskoe, Novotroıtskoe, Molodogvardeıskoe, Pısarevka, Jastar, Tamanskoe, Ǵ.Músirepov aýdanynyń Tahtabrod, Novoselovka, Garshıno, Ýálıhanov aýdanynyń Aqbulaq, Teljan, Molodaıa gvardııa, Aqtúıesaı, Bıdaıyq, Kúzeksaı, Aıyrtaý aýdanynyń Nıjnıı Býrlýk, Antonovka, Aıyrtaý jáne Jambyl aýdanynyń Kazanka, Jańajol eldi mekenderin qamtydyq», - deıdi basqarma basshysy.
Budan basqa kelesi jylǵa respýblıkalyq bıýdjetten 13 jobaǵa 5,1 mlrd teńgege tapsyrys berildi.
Jalpy SQO-ny keshendi damytý jospary aıasynda 2021-2025 jyldary sýmen qamtýǵa 30,4 mlrd teńge josparlanǵan.
Bul 84 myń turǵyny bar 78 eldi mekende jaǵdaıdy ońaltpaq.
