Soltústik Qazaqstanda sý tasqynynan zardap shekkender úshin «jedel jeli» ashyldy

PETROPAVL. QazAqparat -  Prokýratýra Ǵ. Músirepov atyndaǵy aýdanda sý tasqynynan zardap shekkenderge kómek kórsetýdi óz baqylaýyna aldy, dep habarlaıdy «QazAqparat» HAA tilshisi qadaǵalaý organyna silteme jasap.

«Basty mindet - bıýdjet aqshasyn bólgende zańsyzdyqqa jol bermeý, zardap shekken jandardyń quqyǵyn qamtamasyz etý. Sondaı-aq bizdiń qatysýymyzben táýelsiz komıssııa qurylady,- dep atap ótti oblystyq prokýratýranyń baspasóz qyzmeti.

Qadaǵalaý organy mamandarynyń aıtýynsha, aýdandyq prokýratýrada zardap shekken turǵyndar úshin «jedel jeli» qurylǵan. Olar ózderiniń quqy, ótemaqynyń eseptelýi jáne tólenýi jaıly saýaldaryn qoıa alady.

Eske sala ketsek, Ǵ. Músirepov atyndaǵy aýdanda 200 úı  tasqyn  sý astynda qaldy.