Soltústik Qazaqstanda sý tasqyny saldarynan jol jabyldy
ASTANA. QazAqparat - Soltústik Qazaqstan oblysynda sý tasqyny saldarynan «Chelıabi - Novosibir» tasjoly ýchaskesiniń 528 shaqyrymy jabyldy, dep habarlaıdy QazAqparat «Qazaqavtojol» kásipornyna silteme jasap.
Keshe saǵat 19:00-den beri tasjoldyń 525-530 shaqyrymy (Mamlıýt dóńgelek joly - 20-shaǵyn aýdan dóńgelek joly ýchaskesi) jeńil kólikter úshin jabyldy. Joldyń jabylýyna Esil ózenindegi sý deńgeıi kóterilip, sý tasqynynyń bolýy sebep bolǵan.
Petropavl qalasy arqyly aınalma joldyń bar ekendigi habarlandy.
Eske salaıyq, budan buryn «Qazgıdromet» RMK fılıalynyń dırektory Qymbat Merǵalymova 29 sáýir - 2 mamyr arylyǵynda sý tasqyny kúsheıip, sýdyń deńgeıi 1060 santımetrge jetetinin eskertken bolatyn.
