Soltústik Qazaqstanda sońǵy úsh aıda koronavırýstan 225 adam qaıtys bolǵan
SQO densaýlyq saqtaý basqarmasy basshysynyń orynbasary Qumar Kúsemisov vırýsty ınfektsııanyń qandaı da bir belgisi paıda bolǵan jaǵdaıda birden mobıldi topty shaqyrýǵa nemese turǵylyqty jer boıynsha emhanaǵa qaralýǵa keńes beredi.
Kóp jaǵdaıda aýrýyn asqyndyryp túsetin syrqattardyń negizgi qateligi – olar úıde ózdiginen emdelmek bolǵan.
«Vırýsty bakterııaǵa qarsy preparatpen emdeýge bolmaıdy. Vırýs pen bakterııa ekeýi eki bólek nárse. ıAǵnı antıbakterıaldy dári-dármek vırýstyq ınfektsııaǵa áser etpeıdi. Sondyqtan ózdigińizden emdelemin dep, aýrýdy asqyndyryp almańyz. Tek qana dárigerdiń keńesin oryndańyz. Keı adamdar aýyrǵasyn birden dárihanaǵa barady. Farmatsevt, ókinishke oraı, syrqatqa dáriqaǵazsyz suraǵanynyń bárin beredi. Ol kommertsııalyq uıym. Paıda kórý úshin satý kerek. ıAǵnı kóbirek dári-dármek satýǵa múddeli. Sondyqtan bakterııaǵa qarsy, vırýsqa qarsy preparattardy beredi. Biraq búgin kádimgi vırýsqa qarsy dári-dármektiń koronavırýspen kúresýge shamasy joq. Eshqandaı nátıje bermeıdi. Immýnomodýlıatorlardy satady, olar: enterferon, anaferon, taǵy basqalary. Olar kerisinshe, keri áser etýi múmkin. Keıin bul syrqattar bizge aýyr jaǵdaıda statsıonarlarǵa túsedi. Mundaı syrqattardy emdep-jazý óte qıyn. Sondyqtan aýyrǵan jaǵdaıda birden dárigerlerdiń kómegine júgingen jón», - deıdi Qumar Kúsemisov.
Qazirgi ýaqytta oblystyń ınfektsııalyq statsıonarlarynda 783 syrqat jatyr, taǵy 51-iniń jaǵdaıy óte aýyr.
Budan basqa 265 bala dárigerlerdiń baqylaýyna alynǵan. 25 bala statsıonarda em alyp jatyr, olardyń jaǵdaılary ortasha.
«Delta» shtamy qaýipti ekenin aıtyp kelemiz. Ol jedel damıdy. Qazirgi ýaqytta oblysta 268 adam koronavırýstan qaıtys boldy.. Іndet bastalǵan 1,6 jyldyń ishinde 43 adam qaıtsa, 225-i sońǵy úsh aıdyń ishinde kóz jumdy», - deıdi Qumar Kúsemisov.