Soltústik Qazaqstanda sársenbi kúni mektepter men kolledjderde sabaq bolmaıdy
PETROPAVL. QazAqparat - Soltústik Qazaqstan oblysynda 7 naýryz, sársenbi kúni mektepterde sabaq bolmaıdy, dep habarlaıdy QazAqparat tilshisi.
SQO TJD baspasóz qyzmetiniń aqparatyna sáıkes, bilim basqarmasy jeldiń kúrt kúsheıýine, joldardy kóktaıǵaq basýyna jáne boran soǵý múmkindigine baılanysty 0-11 synyp oqýyshylary jáne kolledjderdiń 1-2 kýrs stýdentterine sabaq bolmaıtynyn jarııalady.
Búgin Soltústik Qazaqstan oblysynda jańbyr jaýyp, jel ekpindete soǵyp tur. Barlyq baǵyttar boıynsha avtojoldar jabylǵan.
Foto: gtrk-saratov.ru
