Soltústik Qazaqstanda sapasyz jol salǵandar jazaǵa tartylyp jatqan joq
SQO Sybaılas jemqorlyqqa qarsy qyzmettiń málimetinshe, oblys ákiminiń orynbasary Anton Fedıaevtiń tóraǵalyǵymen «Sapaly jol» jobasynyń júzege asý barysy talqylanǵan keńes ótti. Jóndeýmen jáne sarapshylyq qyzmetpen aınalysatyn uıymdardyń basshylary jaýapkershilik jaıynda eskertildi.
«Qazirgi tańda oblysta 9 myńnan astam shaqyrym avtomobıl joldary bar. Onyń eki myńǵa jýyǵy - respýblıkalyq mańyzdaǵy, qalǵany - jergilikti jol. Bıyl avtomobıl joldaryn qalypqa keltirýge 39,1 mlrd teńge jumsalmaq. Bul qarjyǵa 1 myńnan astam avtomobıl jáne eldi mekenderdiń kóshe joldary túrli jóndeý jumystarymen qamtylady. Barlyq aýdanda jumystar júrgiziledi», - dedi Anton Fedıaev.
Qazirdiń ózinde salynyp jatqan joldardyń jáne kepildi merzimdegi nysandardyń sapasyna qatysty syn-eskertpeler bar.
«Monıtorıng tobynyń ókilderi Jol aktıvteriniń ulttyq sapa ortalyǵy mamandarymen birge bıyl úsh ret jóndelip jatqan ýchaskelerde boldy. Nátıjesinde ondaǵan olqylyqtyń beti ashyldy. Jıi kezdesetini – asfalt joldyń eni men qalyńdyǵynyń belgilengen talaptarǵa saı bolmaýy. Tyǵyzdyǵy jetpegendikten, saldarynan shógip, jol jabyndysy jarylady», - deıdi SQO Sybaılas jemqorlyqqa qarsy qyzmettiń jetekshisi Ernar Baıanǵazın.
Sybaılas jemqorlyqqa qarsy is-qımyl agenttiginiń SQO boıynsha departament basshysynyń aıtýynsha, osyǵan baılanysty sońǵy ýaqytta tehnıkalyq qadaǵalaýdyń tek bir ókili ǵana ákimshilik jaýapkershilikke tartyldy, alaıda lıtsenzııasynan aıyrylǵan joq. ıAǵnı «Kredo SK» JShS-ne Zagradovka eldi mekenine kireberis joldy ortasha jóndeýge qatysty 250 AEK mólsherinde aıyppul salyndy.
Al jumysyna atústi qaraıtyn merdigerlerdiń eshqaısysyna jaza qoldanylǵan joq.
