Soltústik Qazaqstanda respýblıkalyq joldardyń úsh ýchaskesi jabyldy
PETROPAVL. QazAqparat – Soltústik Qazaqstan oblysynda aýa raıynyń qolaısyzdyǵyna baılanysty joldar jabylyp jatyr, dep habarlaıdy QazAqparat tilshisi.
Qutqarý qyzmeti Darmen mobıldik baǵdarlamasy arqyly aýa raıynyń nasharlaýyna baılanysty respýblıkalyq avtojoldardyń úsh bóligi jabylǵany týraly eskertý taratty. Óńirde qar jaýyp, boran turyp jatyr, joldardyń kórinýi 50 metrden de az.
«Jezqazǵan-Petropavl» tasjolynyń Aqmola oblysynyń shekarasynan Sergeevka qalasy, Shal aqyn aýdanyna deıingi bóligi, «Ekaterınbýrg-Almaty» tasjolynyń Toqsan bı aýylynan Aqmola oblysynyń shekarasyna deıingi aýmaǵy jáne «Kókshetaý-Rýzaevka» joly Aqmola oblysynyń shekarasynan Rýzaevka aýylyna deıin kóliktiń barlyq túri úshin, barlyq baǵytqa jabyldy.
Keshe óńirde aýa raıyna baılanysty eskertý jarııalanǵan bolatyn.
