Soltústik Qazaqstanda polıtseıler sý shaıyp ketken úılerdi tonaýshylardan kúzetýde
PETROPAVL. QazAqparat - Soltústikqazaqstandyq polıtseıler sý tasqyny kezeńinde óz qyzmetterin kúsheıtilgen túrde atqarýda, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Rýzaevka aýylynda 186 úıdi tasqyn sý basqanda, jeke quram jumyldyryldy. Ǵ.Músirepov aýdandyq ІІB bastyǵy Aıdos Ydyrysovtyń aıtýynsha, polıtseıler belden keletin sýdy keship, úılerdegi turǵyndar men úı janýarlaryn qutqardy.
Polıtseıler sý astynda qalǵan úılerde tonaýshylyq faktisiniń aldyn alý maqsatynda táýlik boıy kúzet uıymdastyrdy.
Oblystaǵy avtomobıl joldaryndaǵy jol qozǵalysynyń qaýipsizdigin qamtamasyz etý úshin 65 polıtsııa qyzmetkerinen quralǵan 48 mobıldi beket iske qosyldy. Qozǵalys shektelgen 3 tasjolda 4 mobıldi beket quryldy.
Uzyndyǵy 1468 shaqyrymdyq respýblıkalyq mańyzy bar tasjoldy táýlik boıy ІІD jol-patrýldik polıtsııa batalonynyń 15 ekıpajy kúzetýde.
SQO ІІD bastyǵy polıtsııa general-maıory Berik Bilıalov aýmaqtyq bólimshelerdiń bastyqtaryna sý tasqyny jaǵdaıyn jiti qadaǵalap, tasqyn bolǵan aımaqtarda qoǵamdyq tártipti kúzetip qana qoımaı, sonymen qatar oqys oqıǵalarǵa jol bermesten eldi mekenderine oralyp jatqan turǵyndarǵa kómek kórsetýdi tapsyrdy. 
