Soltústik Qazaqstanda ózender tasyp, shabyndyqtardy sý basý qaýpi bar
PETROPAVL. QazAqparat - Soltústik Qazaqstan oblysy tótenshe jaǵdaılar departamenti erigen qar sýynyń jınalý qaýpi bar ekenin eskertedi, dep habarlaıdy QazAqparat tilshisi.
«Qazgıdromet» RMK-nyń málimetterine qaraǵanda, 3-4 sáýir kúnderi kún jyly bolýyna baılanysty óńirde qar jamylǵysy erip, ózen sýynyń shabyndyqtarǵa jaıylý qaýpi bar.
Eske sala keteıik, 20 naýryzda Soltústik Qazaqstan oblysy tótenshe jaǵdaılarǵa joǵary daıyndyq rejımine kóshken. Ásirese Shal aqyn aýdanyndaǵy Kishi Taranǵul kólinen qaýip bolýy múmkin ekendigi eskertilip, kóldegi sý deńgeıin túsirý úshin sý jiberiletin arna qalpyna keltirilgen.
Buǵan deıin óńirde qalyńdyǵy 1,5 metr toń sý tasqynyna soqtyrýy múmkin ekendigin habarlaǵan edik.
