Soltústik Qazaqstanda órtten qaza tapqandar sany eki ese artqan
PETROPAVL. QazAqparat – Soltústik Qazaqstan oblysynda jyl basynan beri 166 órt tirkelip, 24 adam mert boldy. Qaza tapqandar sany ótken jylmen salystyrǵanda eki ese artqan, dep habarlaıdy QazAqparat tilshisi.
SQO tótenshe jaǵdaılar departamenti basqarmasynyń bastyǵy Dmıtrıı Rastıhınniń aıtýynsha, 23 naýryz kúni Petropavldaǵy bes qabatty úılerdiń biriniń jertólesinde órt shyqqan.
Qutqarýshylar 25 adamdy evakýatsııalady.
«Otty abaısyz qoldaný – órttiń shyǵýyna negiz bolǵan. ıAǵnı jertólede jaǵylǵan balaýyz sham sóndirilmeı qalǵan. Órtti sóndirý barysynda bizdiń qyzmetkerler jertóleden kólemi 27 lıtrlik eki gaz ballonyn shyǵardy. Eki qabattan joǵary úılerde gaz ballonyn paıdalanýǵa, saqtaýǵa tyıym salynǵanyn taǵy bir márte eske salamyz. Aqpan aıynda dámhanada gaz ballonyn paıdalaný saldarynan 3 adamnyń qaza tapqanyn bilemiz. Qanshama aldyn alý jumystary júrgizilip jatyr. Soǵan qaramastan turǵyndar eskertpelerge qulaq aspaı, ózderiniń, kórshileriniń ómirlerin qaýipke tigedi», - deıdi Dmıtrıı Rastıhın.
Osy kúni Petropavldaǵy N.Nazarbaev kóshesi, 225 mekenjaıyndaǵy turǵyn úıde órt shyǵyp, 132 adamdy evakýatsııalaýǵa týra keldi. Bul joly da otty abaısyz qoldaný oqys oqıǵaǵa sebep bolǵan.
Al Ǵ.Músirepov atyndaǵy aýdannyń ortalyǵy Novoıshımka eldimekeniniń turǵyny ólim aýzynan qaldy. 1939 jyly týǵan áıelge ıis tıip, ýlandy.
«Qazir kúndiz jyly, túnde aıaz. Pesh durys tartpaı, murja bitelip qalady. Sol sebepti peshti tekserip otyrý qajet. Jalpy peshtiń murjasyn eń keminde úsh aıda bir ret tazartyp otyrǵan jón. Alaıda kópshilik buǵan mán bermeıdi. Turǵyndardy qarapaıym qaýipsizdik erejelerin umytpaýǵa shaqyramyz», - deıdi basqarma basshysy.
Al búgin tańenrteń Petropavldaǵy qonaq úı keshenderdiń biriniń saýnasynan órt shyqty.
Mamandar oqıǵa ornynan 50 lıtrlik gaz ballonyn alyp shyqty.
SQO-da mobıldi top gaz ballonyn paıdalanýǵa qatysty dámhanalardy tekserip, zań buzýshylyqtardy anyqtaǵanymen, olarǵa eskertýden basqa shara qoldana almaı otyr.
