Soltústik Qazaqstanda orman alqaby keńeıip keledi
PETROPAVL. QazAqparat - Byltyr Soltústik Qazaqstan oblysynda 1,4 myń gektar aýmaqqa orman otyrǵyzyldy, dep habarlaıdy QazAqparat tilshisi.
Tabıǵı resýrstar jáne tabıǵat paıdalanýdy retteý basqarmasynyń basshysy Qabıden Sadýaqasovtyń aıtýynsha, bul josparlanǵan kórsetkishten 400 gektarǵa jýyq asyrylǵan.
Nátıjesinde oblys boıynsha orman jabylǵan aýmaq 984 gektarǵa kóbeıip, 436 myń gektarǵa jetken.
Q.Sádýaqasov sanıtarlyq turaqtylyqty saqtaý jáne arttyrý úshin kóshetter óńdelip otyrǵanyn atap ótti. Byltyr 290 gektar jer óńdelgen. Kúzgi patologııalyq zertteý orman zııankesteriniń taralý oshaqtarynyń joq ekenin kórsetti.
Jerasty sýlarynyń kóterilýi saldarynan ormannyń sýlanýy taǵy bir problema bolyp otyr. Ótken jyly bul 22 myńnan astam gektar jerde bolǵan. Sý basqan ormandar kesilip, aǵashy oty retinde paıdalanylady.
«Kóshet ósirý úshin oblysta 29 ýaqytsha orman tálimbaǵy bar, ondaǵy egý bólimderinde 7 mln danaǵa jýyq kóshet ósirilip jatyr», - dedi Q.Sadýaqasov.
Avtor: Olesıa Jýkoven
