Soltústik Qazaqstanda myńnan astam saıajaıdy sý basty
PETROPAVL. QazAqparat - Petropavl qalasy men Qyzyljar aýdany Dolmatovo aýylynda Esil ózeninde sýdyń deńgeıi kóterilgen, dep habarlaıdy QazAqparat tilshisi.
SQO TJD baspasóz qyzmetiniń aqparaty boıynsha, 1237 saıajaı aýmaǵyn sý basqan. Onda 619 saıajaı qurylymy bar. Ol jerlerde adamdar turmaıdy. Oblysta eldi mekenderde sý astynda qalǵan turǵyn úıler tirkelmegen.
Ózen sýynyń arnasynan asýy saldarynan 25 sáýirden bastap Petropavlǵa jaqyn mańdaǵy «Chelıabi-Novosibir» respýblıkalyq tasjolynyń ýchaskesi jeńil kólikter úshin jabyq tur. Osy jol arqyly Zarechnyı kentiniń qıylysynda da sý tasqyny baıqalǵan. Munda kólik qozǵalysyna shekteý qoıylmaǵan. Polıtseıler men jol uıymdarynyń qyzmetkerleri táýlik boıy kezekshilik etýde.
Qazgıdromet bólimshesiniń aqparaty boıynsha, ótken táýlikte Petropavl men Dolmatovo aýylynda Esil ózenindegi sý deńgeıi kóterilgen. Oblys ortalyǵynda sýdyń deńgeıi 1050 santımetrge jetý qaýpi bar.
Foto: yarreg.ru
