Soltústik Qazaqstanda Májilis depýtattyǵyna 3 kandıdat talasady

PETROPAVL. QazAqparat – Soltústik Qazaqstan oblysynda «Nur Otan» partııasy óńirlik fılıalynyń kezekten tys XXXI konferentsııasy ótip, Májilis depýtattyǵyna úmitkerler anyqtaldy, dep habarlaıdy QazAqparat tilshisi.

Soltústik Qazaqstan oblysynan Májilis depýtattyǵyna úmitker úsh ókildi «Praımerız» júıesinde daýys berý arqyly 150 delegat tańdady. Konferentsııa jumysyna partııanyń aımaqtyq fılıalynyń tóraǵasy, oblys ákimi Qumar Aqsaqalov qatysty.

«Nur Otan» partııasy SQOF baspasóz qyzmetiniń málimetinshe, eń kóp daýysty «Zenchenko jáne K» KS bas dırektory Gennadıı Zenchenko, «Soltústik» ÁKK» AQ basqarma tóraǵasy Esjan Orazalın jáne «Zań qyzmetteri ortalyǵy» JShS dırektory Dmıtrıı Koloda jınaǵan.

Olar basqa 13 úmitkerdiń qatarynda pikirtalasqa qatysyp, birqatar ótkir taqyryptardy kóterdi. Olardyń ishinde bilim, densaýlyq saqtaý, shaǵyn jáne orta bıznes, aýyl sharýashylyǵy, ónerkásipti damytý máseleleri bar.

Konferentsııada delegattar sońdaı-aq Soltústik Qazaqstan oblysynyń máslıhatyna partııalyq tizimdi bekitti. Oǵan partııalyq kvotany eskere otyryp, eń joǵary reıtıng jınaǵan 48 kandıdat kirdi.

Nátıjesinde qazir tizimniń 33% - áıelder jáne 21% - jastar. Úmitkerlerdiń ortasha jasy - 46. Oblystyq máslıhattyń qazirgi depýtattarynyń ishinen tizimge 10 adam kirdi.

Sonymen qatar, konferentsııa delegattary «Nur Otan» partııasynyń óńirlik saılaýaldy baǵdarlamasyn bekitýge daýys berdi, onda damýdyń 7 basymdyǵy kórsetilgen.

Jalpy oblys boıynsha saılaýaldy baǵdarlamalardyń 15 jobasy ázirlendi: 1 – oblystyq, 1 - qalalyq jáne 13 aýdandyq.

Konferentsııa sońynda partııanyń XX sezine delegattar saılanyp, partııanyń oblystyq fılıaly saıası keńesiniń quramyna ózgerister engizildi.

Esterińizge sala keteıik, Soltústik Qazaqstan oblysynda praımerızge 632 nurotandyq qatysty.

Oblys boıynsha kandıdattar saılaýshylarmen 6 500-ge jýyq kezdesý ótkizip, barlyǵy 123 500 adamdy qamtydy.