Soltústik Qazaqstanda mamandardy sertıfıkattaý ortalyqtary qurylady
PETROPAVL. QazAqparat - Mamandardy sertıfıkattaý ortalyqtaryn ashýdy Soltústik Qazaqstan oblysynyń restoratorlar jáne qonaq úıler qaýymdastyǵy, gýmanıtarlyq-ekonomıkalyq kolledji jáne «Soltústik Qazaqstan oqý-óndiristik kombınaty» JShS usyndy, dep habarlaıdy «QazAqparat» HAA tilshisi óńirlik kásipkerler palatasynyń baspasóz qyzmetine silteme jasap.
Endi qyzmet kórsetý jáne kólik salalarynyń: tigin óndirisi, shashtaraz, qonaq úı, meıramhana jáne etik tigý isi mamandary biliktilikti rastaıtyn sertıfıkattarǵa qol jetkize alady. Basqa da salalardy; mashına jasaý, qurylys jáne kommýnaldyq, aýylsharýashylyq, veterınarııa, ekologııa jáne energetıka salalaryn qamtý josparlanýda.
Qyzmetker óziniń joǵary bilikti maman ekendigin jeke qabiletin, kásibı bilimi men daǵdylarynyń jıyntyǵyn rastaıtyn sertıfıkat arqyly dáleldeı alady.
Jetilýinde kidirisi bar jastardy oqytatyn «Soltústik Qazaqstan oqý-óndiristik kombınaty» JShS-nyń dırektory osyndaı ortalyqtardy ashý arqyly eńbek naryǵyndaǵy básekege qabilettilikti arttyrýǵa bolatynyn atap ótti.
Ortalyqtar tizilimin «Atameken» ulttyq kásipkerler palatasy ázirleýde. Al, sertıfıkattaýdan ótken mamandar tizilimin óńirlik kásipkerler palatasy engizedi. Qazirgi tańda atalmysh ortalyqtar elimizdiń eki oblysynda jumys jasaýda.
