Soltústik Qazaqstanda «Qyzyljar - adaldyq alańy» jobalyq keńsesi ashyldy
Memlekettik qyzmet isteri jáne sybaılas jemqorlyqqa qarsy is-qımyl departamenti baspasóz qyzmetiniń málimetinshe, jobalyq keńseniń mıssııasy - turmystyq jemqorlyq deńgeıin qysqartý, jemqorlyqqa qarsy dúnıetanymdy qalyptastyrý, azamattardyń memlekettik bılik ınstıtýttaryna senimin arttyrý.
Petropavldaǵy keńse Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Oljas Bektenovtiń qatysýymen ashyldy.
«Adaldyq alańy» - bul Astanada tıimdiligin tanytqan biregeı joba. Onyń aıasynda úlken ári keshendi jumys júrgizildi», - dedi O.Bektenov.
Baspasóz qyzmetinde basshylardyń derbes jaýapkershiligin kúsheıtý, turǵyndar úshin qolaıly jaǵdaı jasaý jáne memlekettik baǵdarlamalardyń iske asyrylýyn qoǵam tarapynan qadaǵalaýdy jandandyrý máseleleri boıynsha jumys júrgizý josparlanǵan. Joba jumysyna memlekettik qyzmetkerler, kásipkerler, azamattyq sektor jáne BAQ ókilderin tartý kózdelip otyr.
«Osyǵan uqsas jobalyq keńseler memleketimizdiń barlyq aımaqtarynda iske qosylǵan», - dep qosyp ótti baspasóz qyzmetinen.
Avtor: Olesıa Jýkoven