Soltústik Qazaqstanda qyryq gradýsqa deıin aıaz bolýy múmkin
PETROPAVL. QazAqparat - Soltústik Qazaqstan oblysynda kelesi aptada kún qatty sýytýy múmkin, dep xabarlaıdy QazAqparat tilshisi.
Tótenshe jaǵdaılar departamentiniń aqparaty boıynsha, termometr baǵany dúısenbi kúni 30 gradýstan tómen bolýy yqtımal.
«24 jeltoqsan túnde, 27 jeltoqsan kúni Soltústik Qazaqstan oblysynyń aýmaǵynda aýa temperatýrasy 25-30, keı jerlerde -35 gradýs aıaz bolýy yqtımal. 25-26 jeltoqsan túnde aýa temperatýrasy 32-37, keı jerlerde 40 gradýs aıaz bolýy yqtımal», - delingen xabarlamada.
Kúndiz 22-27, keı jerlerde 30 gradýs aıaz bolady.
Avtor: Olesıa Jýkoven
