Soltústik Qazaqstanda kvadrokopterler sý tasqynyn baqylaýda
PETROPAVL. QazAqparat - Soltústik Qazaqstan oblysynyń ákimi Qumar Aqsaqalov Maǵjan Jumabaev aýdanyna jumys saparymen baryp, sý tasqynyna qarsy daıyndyq barysymen tanysty, dep habarlaıdy «QazAqparat» HAA tilshisi óńir basshysynyń baspasóz qyzmetine silteme jasap.
Bıyl mamandar men jergilikti atqarý organdary kvadrokopter kómegimen jaǵdaıdy qosymsha baqylap otyr.
Óńir basshysyna Býlaevo qalasy ortalyǵyndaǵy kóldiń qazirgi jaı-kúıi kórsetildi. Erigen qar sýlarynan paıda bolǵan bul kól jaqyn mańdaǵy úılerdi sý basý qaýpin týdyryp otyr. Odan kúndelikti 6 myń tekshe metr sý sorǵytyp alynady. Shyǵys jáne ońtústik jaǵy tereńdetip qazyldy. Sonyń nátıjesinde, sý deńgeıi 40 sm deıin tómendedi. Mamandar jaǵdaıdyń turaqty ekenin aıtýda.
