Soltústik Qazaqstanda qurylysshynyń ólimine qatysty is qaıta tekseriledi

NUR-SULTAN. QazAqparat – Soltústik Qazaqstanda qurylysshynyń ólimimen aıaqtalǵan qaıǵyly oqıǵa qaıta tekseriledi. Bul týraly QR Bas memlekettik eńbek ınspektory Tólegen Ospanqulov ortalyq kommýnıkatsııalar qyzmetinde ótken brıfıngide aıtty, dep habarlaıdy QazAqparat tilshisi.

«Birneshe kún buryn Petropavl qalasynda jumysshy qurylysta qazaq tapqan bolatyn. Oblystyq eńbek ınspektsııasy basqarmasynyń bul oqıǵany jumys berýshi men jumysshynyń arasynda eshqandaı kelisimshart bolmaǵandyqtan, eńbek jaǵdaıyndaǵy qaıǵyly oqıǵa dep sanalmaıtynyn aıtqany týraly BAQ-ta málimet tarady. Sonda jumys berýshi jaýapkershilikten qutylyp ketedi degen sóz be?».

Ortalyq kommýnıkatsııalar qyzmetinde QR Bas memlekettik eńbek ınspektory Tólegen Ospanqulovqa osyndaı saýal qoıyldy.

«Shynymen de osyndaı fakti bar. Búgi ekinshi kún osy máselemen aınalysyp jatyrmyz. Siz aıtyp otyrǵan kásipornda shynymen de qaıǵyly oqıǵa bolǵan. Zardap shekken jumysshy atalǵan kásiporynda birinshi kún jumys istegen eken. Osyǵan baılanysty jumys berýshi eńbek normasyn óte órsekel buzǵan. Qazir tergeý júrip jatqandyqtan, bárin aıta almaımyz. Biraq bizge berilgen aqparat boıynsha, qaıtys bolǵan jumysshy eńbek kelisimshartynsyz jumysqa jiberilgen. Oǵan jeke qorǵanysh zattary berilmegen. ıAǵnı, onymen eshqandaı nusqaý jumystary júrgizilmegen. Nege ekeni belgisiz, biraq osy qaıǵyly oqıǵany teksergen ony komıssııa óndirispen qatysy joq dep qorytyndy shyǵarǵan», - degen Tólegen Ospanqulov atalmysh oqıǵa boıynsha qaıtadan tekserý júretinin atady.

«Biz bul máseleni baqylaýymyzǵa aldyq. Soltústik Qazaqstan oblysy boıynsha eńbek ınspektsııasyna isti qaıtadan kótertý týraly tapsyrma berdik. Sondyqtan ádildik ornaıdy dep oılaımyn. Bizdiń qolymyzdaǵy málimetterdiń bári rastalsa, atalmysh qaıǵyly oqıǵany óndirispen baılanysty degen qorytyndy shyǵarylady. Іs baqylaýymyzda», - dedi Bas memlekettik eńbek ınspektory.