Soltústik Qazaqstanda qurǵaqshylyqqa tózimdi bıdaı sorty ósiriledi
PETROPAVL. QazAqparat - Jańa bıdaı sortynyń synaqtan ótýi týraly oblystyq ákimdikte aýyl sharýashylyǵy tájirıbe stantsııasynyń bas agronomy Elena Fedorenko aıtyp berdi, dep habarlaıdy «QazAqparat» HAA tilshisi.
E.Fedorenko egis alqaptaryn ártaraptandyrýdyń ósýimen jazdyq bıdaıdyń kúshti jáne qundy sorttaryn qurýdyń ózektiligi artyp otyrǵanyn atap ótti. Sort joǵary ónimdi, sapaly jáne ortanyń qolaısyz faktorlaryna tózimdi bolýy tıis.
«Selektsııalyq jumystar 2015 jyly bastaldy. Ótken jyly stantsııa synaq úshin jazdyq jumsaq bıdaıdyń jańa sortyn berdi. Ol 3 jyl boıy synaqtan ótedi. Aldaǵy ýaqytta oblysymyzda ósirilýi múmkin»,-dep málimdedi E.Fedorenko.
Mamannyń aıtýynsha, sort ortasha topqa jatady, vegetatsııalyq kezeń 80-85 kúndi quraıdy, 3 jylǵy synaq boıynsha ortasha ónimdilik gektaryna 27,7 tsentnerdi qurady, dán mańyzynyń quramy-28,4%.
Oblys ákimi Qumar Aqsaqalovty soltústikqazaqstandyq agroqurylymdardyń atalmysh bıdaı sortyn qaı ýaqytta paıdalana alatyndyǵy qyzyqtyrdy. E.Fedorenko 3 jyldan keıin júzege asyrýǵa bolatynyn aıtty.
«Jumys jedeldigin arttyrý kerek. Bıdaı sorttary kóp bolýy tıis. Ǵylym belsendi túrde júzege asyrylýy kerek. Atyraý oblysynda byltyrǵy jyly gektaryna 62 tsentner ónim alǵanbyz. Ónimdilik kórsetkishi osylaı bolýy kerek», - dedi aımaq basshysy.
