Soltústik Qazaqstanda kól jaǵasyna bes tonna balyq shyǵyp qaldy
PETROPAVL. QazAqparat - Soltústik Qazaqstan oblysynyń barlyq áleýmettik jelilerinde Mamlıýtka aýylynda ornalasqan kólde balyqtardyń jappaı jaǵaǵa shyǵyp qalǵany beınelengen sýretter tarap ketti, dep habarlaıdy «QazAqparat» HAA tilshisi.
Jarııalanǵan sýretter men vıdeolarda beınelengendeı, tolqynmen jaǵaǵa shyǵyp qalǵan óli balyqtardy jergilikti turǵyndar jınap júr. Áleýmettik jeli qoldanýshylary balyqtardyń qandaı da bir aýrýǵa shaldyǵyp, jappaı qyrylǵanyn jáne olardy óńir turǵyndary paıdalanýy múmkin ekeninen qaýiptenýde.
Kóldiń qaraýsyz qalǵany anyqtaldy. Bul kóldi basshylyqqa alý úshin birneshe ret konkýrsqa qoıylǵan. Alaıda, nıet bildirýshiler tabylmaǵan. Jaǵalaýǵa shamamen bes tonna balyq shyǵyp qaldy. Aldyn ala derekter boıynsha, olar tunshyǵyp ólgen.
Oblys ákimi Qumar Aqsaqalov sý tasqynynyń ahýaly jónindegi kún saıynǵa brıfıngte Mamlıýt kólindegi balyqtarǵa saraptama júrgizilip jatqanyn aıtty. Onyń nátıjesi keıinirek habarlady.
«Kól óte taıaz. Ol jerde aeratsııa boıynsha qajetti jumystar júrgizilmegen sııaqty. Qazir balyqtardy tekserý úshin, qandaıda bir aýrýǵa shaldyqqanyn anyqtaý úshin saraptama júrgizilýde», - dedi SQO ákimi.
Tabıǵı resýrstar jáne tabıǵat paıdalanýdy retteý basqarmasy Janýarlar álemi jáne balyq resýrstary bóliminiń bastyǵy Erlan Táshimov habarlaǵandaı, barlyq bes tonna balyq joıylady.
