Soltústik Qazaqstanda qaıyr surap júrgen sheteldik ustaldy
PETROPAVL. QazAqparat - Soltústik Qazaqstan oblysynyń polıtseıleri bir kúnniń ishinde kóshi-qon zańnamasynyń buzylýyna qatysty 100-den astam faktini anyqtady, dep habarlaıdy QazAqparat tilshisi.
ShQO ІІD baspasóz qyzmetiniń aqparaty boıynsha, tártip saqshylary bazarlardy, qurylys nysandaryn jáne sharýa qojalyqtaryn teksergen.
«Kún jylynǵanda Tájikstan, Ózbekstan jáne Ázerbaıjan elderinen adamdar jumys isteýge kele bastaıdy. Olar Qazaqstannyń shekarasyn kesip ótkende jumysqa ornalasatyndyqtaryn kórsetpeıdi jáne sol úshin patent almaıdy. Al óńirdegi keıbir jumys berýshiler áleýmetik mindettemeleri joq tómen aqy tólenetin jumysshylardy paıdalanǵysy keledi», - dedi kóshi-qon qyzmeti basqarmasynyń basshysy Talǵat Ábilov.
Polıtseıler bir kúnniń ishinde Qazaqstan azamattary tarapynan kóshi-qon zańnamasyn buzýǵa qatysty 36 oqıǵany anyqtady. Olardyń ishinde 17 turǵyn sheteldikterdi qabyldaýshy retinde kelgenderdiń der kezinde tirkeýge turýyna áreket jasamaǵan.
TMD elderiniń 81 azamaty ákimshilik jaýapqa tartyldy. Onyń ekeýi qamaldy. Onyń ishinde qoǵamdyq oryndarda qaıyrshylyqpen aınalysqan Tájikstan azamaty bar.
