Soltústik Qazaqstanda qatty jel turady
PETROPAVL. QazAqparat - Soltústik Qazaqstan oblysynda aýa raıyna baılanysty eskertý jarııalandy, dep habarlaıdy QazAqparat tilshisi.
«Qazgıdromet» RMK málimeti boıynsha, 9 qazan kúni aımaqta ońtústik-batystan jyldamdyǵy sekýndyna 15-20 metr bolatyn qatty jel soǵyp, kúndiz jel ekpini sekýndyna 23-28 metrge deıin jetedi.
9 qazanda Petropavlda ońtústik-batystan 20 m/sek jyldamdyqpen jel soǵyp, kúndiz jel qarqyny 25 m/sek deıin jetedi.
«Soltústik Qazaqstan oblysynyń Tótenshe jaǵdaılar departamenti turǵyndardyń qalypty tirshiligin qamtamasyz etip, tótenshe jaǵdaıdyń aldyn alý úshin shara qoldanýdy usynady», - delingen vedomstvonyń habarlamasynda.
