Soltústik Qazaqstanda kásiporyn qyzmetkerlerine úsh jyl jalaqy tólemegen
PETROPAVL. QazAqparat - Aqqaıyń aýdandyq soty jumys berýshilerden jumyskerler paıdasyna 3,5 mln teńge óndirip berdi, dep habarlady oblystyq sot baspasóz qyzmetine silteme jasap «QazAqparat» HAA tilshisi.
Aqqaıyń aýdandyq sotyna «Smırnovskoe» JShS-ǵa jalaqy boıynsha qaryzdy óndirip alý týraly talaparyzben Trýdovoe aýylynyń úsh turǵyny júgindi. Sot JShS sońǵy úsh jylda qyzmetkerlerine jalaqy tólemegenin anyqtady. Qaryz 3,5 mln teńgege jetken», - dedi baspasóz qyzmetinen.
Sot JShS qyzmetkerleriniń talabyn tolyqtaı qanaǵattandyryp, tólenbegen eńbekaqyny olardyń paıdasyna óndirip berdi.
