Soltústik Qazaqstanda qar jaýýy yqtımal
ASTANA. QazAqparat - Qazaqstannyń 5 oblysynda 5-6 mamyr kúnderi aýa raıyna baılanysty eskertý jarııalandy, dep habarlaıdy «QazAqparat» HAA «Qazgıdromet» RMK-na silteme jasap.
Sınoptıkterdiń habarlaýynsha, senbi kúni Soltústik Qazaqstan oblysynda sotústikten sekýndyna 15-20 metr jyldamdyqpen jel soǵady. Ekpini sekýndyna 23-28 metrge jetýi múmkin, sondaı-aq jaýyn, qar jaýýy yqtımal.
«Qazgıdromet» málimetteri boıynsha, 6 mamyrda Almaty oblysy men Almatyda jaýyn jaýyp, keı jerlerde tipti nóserletedi. Osyǵan baılanysty ózender men kólderde sý deńgeıi kóterilip, sý tasqyny bolýy da yqtımal.
Sondaı-aq 6 mamyrda Jambyl oblysynda jaýynnyń kóp túsýine baılanysty sý deńgeıi kóterilýi múmkin.
Qostanaı oblysy boıynsha 5 mamyr kúni jel kúsheıýine baılanysty eskertý jarııalandy. Túnde keı jerlerde, kúndiz eldiń basym bóliginde jeldiń jyldamdyǵy sekýndyna15-20 metr bolady, keı jerlerge tuman túsýi yqtımal.
5 mamyrda Ońtústik Qazaqstan oblysy boıynsha, shyǵystan soǵatyn jel kúsheıip, sekýndyna 15-20 metrge jetip, shańdy daýylǵa ulasýy múmkin.
