Soltústik Qazaqstanda qalqyma kópir sý astynda qaldy
PETROPAVL. QazAqparat - Soltústik Qazaqstan oblysynda aldaǵy eki kúnde ózenderdiń arnasynan tasý qaýpi bar, dep habarlaıdy QazAqparat tilshisi.
«Qazgıdromet» RMK fılıalynyń málimetterine qaraǵanda, 20-21 sáýir kúnderi óńirde jeldiń jyldamdyǵy sekýndyna 23-28 metrge deıin jetedi, jaýyn-shashyn bolady.
«Osyǵan baılanysty Esil, Qyzyljar aýdandary men Petropavl qalasyndaǵy ózenderde seń júrip, sý deńgeıi kúrt kóterilýi múmkin. Petropavl qalasynda sýdyń deńgeıi qaýipti deńgeıde tur- 940 santımetr (shabyndyqtarǵa jaıylý deńgeıi)», - delingen habarlamada.
Esil ózenindegi sý deńgeıi kóterilip kele jatyr. Qyzyljar aýdanynyń Novonıkolskoe aýylynda sý deńgeıi qaýipti kórsetkishten asyp ketti, qalqyma kópir sý astynda qaldy. Aldaǵy kúnderde Esil aýdanynyń Pokrovka aýylynda sý jazyq jerlerge jaıylady.
Sergeev sý qoımasyndaǵy sý 168 santımetrge jetken.
