Soltústik Qazaqstanda etnostar forýmy ótip jatyr
PETROPAVL. QazAqparat - Soltústik Qazaqstan oblysynda Alǵys aıtý kúnine arnalǵan ulystar forýmy ótip jatyr, dep habarlaıdy «QazAqparat» HAA tilshisi.
Oblystyq Qazaqstan halqy Assambleıasy hatshylyǵynyń meńgerýshisi Naıl Salımovtyń aıtýynsha, búgin óńirde QHA ókilderiniń qatysýymen kóptegen is-sharalar ótip jatyr.
«Etnostar forýmyn Alǵys aıtý kúnimen ashyp otyrmyz. Oǵan Soltústik Qazaqstan oblysynda turatyn túrli etnostardyń ókilderi qatysýda. Bul forým eldegi árbir janǵa beıbitshilik pen kelisim úshin alǵys aıtý maqsatynda uıymdastyrylyp otyr. Biz qıyn-qystaý ýaqytta 800 myń nemisti, 102 myń polıakti, 18,5 myń káristi, 500-den astam Soltústik Kavkaz etnostarynyń ókilderin qabyldaǵany úshin qazaq halqyna rahmet aıtamyz», - dedi N. Salımov.
Atalmysh shara óńirde úshinshi jyl qatarynan ótýde. Bıyl kontserttik baǵdarlamadan bólek, naýqas balalardy qoldaý maqsatynda «Qaıyrymdy el» naýqany uıymdastyrylǵan.
