Soltústik Qazaqstanda elektr qýaty men sý arzandady

PETROPAVL. QazAqparat – Soltústik Qazaqstan oblysynda tótenshe jaǵdaı kezeńinde kommýnaldyq qyzmetterdiń tarıfi tómendedi, dep habarlaıdy QazAqparat tilshisi.

Tabıǵı monopolııalardy retteý komıtetiniń SQO boıynsha departamentiniń málimetinshe, Prezıdent Q.K. Toqaevtyń tapsyrmasyna oraı óńirdegi kommýnaldyq qyzmet kórsetetin tabıǵı monopolııalar sýbektileri qyzmet qunyn arzandatty.

«Qoǵamda turaqtylyqty qamtamasyz etýdiń mańyzdylyǵyn eskerip, osyndaı qıyn jaǵdaıda turǵyndarǵa qarjylyq salmaqty azaıtý maqsatynda kommýnaldyq qyzmet kórsetetin kásiporyndar saralaý boıynsha tarıfterdi tómendetýge sheshim qabyldady. ıAǵnı turǵyndar úshin kommýnaldyq aqy mólsheri 1 sáýirden bastap 10% deıin azaısa, al bıýdjettik uıymdar úshin júkteme qaıta bólinedi», - deıdi Tabıǵı monopolııalardy retteý komıtetiniń SQO boıynsha departamentiniń jetekshisi Abaı Balabekov.

Petropavlda «Qyzyljar sý» kásiporny 10%-ke: turǵyndardy sýmen qamtý qyzmetiniń 1 tekshe metri úshin 81,25 teńgeden 73,12 teńgege deıin azaıtty. Al sý tartý qyzmeti 74,94 teńgeden 67,44 teńgege deıin tómendedi.

«SevKazEnergosbyt» JShS Petropavl qalasy, Shal aqyn, Aqqaıyń, M.Jumabaev, Qyzyljar, Mamlıýt, Esil, Jambyl jáne Tımırıazev aýdandary úshin elektr qýaty tarıfin 5% tómendetti. turǵyndar saǵatyna 1kVt úshin endi 12,32 teńgeniń ornyna 11,70 teńge tóleıtin bolady.

«SoltústikEnergoOrtalyq» Ǵ.Músirepov, Aıyrtaý, Taıynsha, Aqjar jáne Ýálıhanov aýdandarynda elektr energııasy tarıfin 14,35 teńgeden 12,91 teńgege deıin nemese 10% túsirdi.